Tuesday 13 June 2017

ఆత్మహత్య


అవును నిజమే !
మనం అందరం ఆత్మహత్య చేసుకుంటున్నాం.
కాకుంటే నెమ్మదిగా...!
విష రసాయనాలు, కృత్రిమ ఎరువులు
వాడుతున్న ఆహారాన్ని తింటూ
వద్దన్నా ప్లాస్టిక్ కవర్లు వాడుతూ,
అన్నింట్లోనూ ప్లాస్టిక్ కె ప్రాధాన్యం ఇస్తూ
చెట్లను నరుకుతూ
విష వాయువులు నిండిన గాలిని పీలుస్తూ,
మంచిని మరుస్తూ చెడును ఆస్వాదిస్తూ,
అన్నింటా యంత్రాలనే వాడుతూ,
అసలు వ్యాయామాలనే మరుస్తూ,
ఒత్తిడిని పెంచుకుంటూ
సంతోషాన్ని మరిచి పోతూ
అన్ని రోగాలకూ మనమే మూలం అవుతూ
మన ప్రాణాలు మనమే తీసుకుంటూ
ఆత్మహత్య చేసుకుంటున్నాం.
ఇకనైనా మారుదామా,
మన అలవాట్లను మార్చుకుందామా???


1 comment: